Nganong Nailad Ka Sa Mga Daang Pelikula?

Hi mga friends! Dugay na sad ta wa nagkita. Na busy kunuhay ko sa akong life isip working student. Pero dili kana ang atong hisgutan karon. Adtong Sabado, naglantaw  akong Mama ug You are Still the One ni Maja ug Dennis. Dayon pag uli nako gahapon, ang yaya sa akong ate pirting lurata sa pelikula ni FPJ sa PBO. Ako pod kay usyusera lage tan-aw pod. Pero mao gyud ni akong problema sa mga Pinoy nga sine-sine:

 Sa mga Daan nga Pelikulang Aksyon!

1.   Tanang bida naay side kick. Kasagaran sa ila, kung dili maot, kulang ug buot. 

2.   Kasagaran sa estorya kung dili dato ang leading lady, ang leading man. Talagsa rako makakita nga pobre sila pareho.

3.   Sexy dapat ang leading lady para bastuson sa kontrabida dayon mo-eksena dayon ang bida.

4.   Ang away magsugod sa pagyabo sa lamesa.

5.    Kusog kaayo ang sound effects sa suntok ni FPJ.

6.   Maayo kaayo mulihay ang bida.

7.   Kung ang bida ug kontrabida nalang gani ang mahabilin, magsige pa sila estorya ayha magpabuto.

8.   Kung ang bida o kontrabida wala nay pusil, muingon dayon, "maglaban tayo lalaki sa lalaki", dayon mag-karate sila.

9.   Dugay mamatay ang kontrabida. Lisod pod humananon dayon ang estorya.

10.                Mapulisan ang bida dayon  mag 50/50 sa ospital pero mabuhi ra diay.

11.                Maulahi pirmi ang pulis ug abot.

12.                Basta mag 50/50 na estoryahon ra o kissan sa leading lady, okay na. Buhi n!

     13.                Naay pirmiy moment si leading man ug leading lady nga happy dayon muabot dayon ang kagubot.

14.                 Ang mga moment ni leading lady ug leading man kay kung dili picnic sa ilalom sa manga, dakpanay ug gaksanay sa kasagbutan.

15.                Inig ka ending kay manayaw sila sa beach. As in managligo gyud dayon?

Nganong Lisod Kaayo Muingon ug 'NO'

Padulong nako pauli ug kay gusto man lagi ta ug bugnaw, sulod sa mall gyud ko muagi. Kada-adlaw, ako ginabaybay ang Greenbelt, Glorietta paingon sa LandMark ug SM, ug sa kani nga mga lakaw, ako jud nga pugson ang ako kaugalingon sa pag lakaw nga way lingi-lingi. Lisod na ug makapalit ta ug dili oras. Imagine P120,000 sa usa lang ka sunglasses? Haroy yuta naman jud na ako mapalit. So as usual, sutoy ra gyud ko.

Pero wa gyud ko kapalag pag agi nako sa Black Pearl nga booth. Sige ra ko ni ug agi-agian ug kung manawag na gani ang salesman, mulingiw dayo ko ug mupaspas ug lakaw. Apan karon, tam-is kaayo ang smile ni salesman nga ibutang lang nato sa pangalan nga Harry kay nakalimot ko. Actually, nagpaila-ila biya siya apan di lang gyud nako mahinumduman kay busy kaayo siya ug pangutana nako kung unsa ako gamit.

H: Ma'am, ano po gamit ninyo para sa inyo face?

A: Wala po talaga Sir, pure Safeguard lang.

H: Ahh, ganoon how about moisturizers?

A: Cetaphil cleanser lang po kung meron mahal kasi.

H: Pero madalas kayo magpa-facial?

A: Ay wala din Sir, baka magising mga pores ko (sheet memeng last nalang gyud ka nako bah!)

Wa nako kabanatay nga iya gigunitan ako kamot ug iya ko gidala sa ilang booth para mag-sample. Iyang giunag hanyag sa ako ang peeling mask nga iyang gibutang sa parte sa akong tuong kamot. Nahadlok ko kay basin mag iyahay ug panggawas  ang ako buling. Mahibaw-an nga wa ko kapanglugod ganiha kay nagdali-dali ko ug kaligo.

After mga 2 minutes, iya na gitangtang ang iya gibutang ug tinood nangadala ang ako dead skin ug mga dagkong buling. Amazing! Amazing pod ang presyo kay tag P5,400 ang usa ka gamay nga sudlanan. Good for 1 year daw ug mas best and epekto kon gamitan nimo sa ilang moisturizer nga tag P5,000 pod kapin ang gamay nga botelya. Harroy, ta-ta ang akong Safeguard papaya! Pero nindot man, di jud ko padala kay mahal ra kaayo.

Nag-thank you nako sa effort ni Harry ug ready na mo go-rah sa dihang miabot ang very neat ug gwapong foreigner nga I'm sure dili Americano. Iya kung gisugdan sa pag-ingon nga nindot daw ako earings ug cute daw ko. Juice colored! Murag gibayang ang ako kalag. Ug misamot kini sa dihang miingon siya nga tungod kay cute ko, ihatag nalang niya sa ako ang Black Pearl Peeling Mask ug P2,700 instead nga 5,400. Nakaingon si Harry ug, "Sure ka, Sir!" Ma'am avail mo na to. Anak yan ng may-ari at minsan lang ang ganyang offer!

Aguuy! Unsaon naman nako ni! Kabarato na lang. Ug kagwapo sa naghatag nako ug discount! Lami na kaayo igawas ang ako credt card, pero maayo nalang wa ko patunto. Ako usang gi-imagine and ako mga bayranan ug kung naa ba ko ma-spare para aning ilang pagwapa apan bisag walay calculator kabalo ko nga ma negative gyud ang akong budget. Maayo mu -salestalk ning mga tuway pero naa pod ko sa sales ug ako pod ning ginabuhat. So samtang ila ko gibola-bola, sige rako ug katawa dili tungod kay flattered ko kung dili kay naka huna huna pod ko sa akong mga gema-gema sa pamaligya aron makahalin.

Besides, sa retail world grabe ang patong. Sure ko dili siya lugi bisan ihatag pa to niya ug 1K. Na factor in nana nila sa ilang pag presyo ug grabe ang ilang ganansiya kung mupatol ka sa tag P5,400. Hoy, Dong di tika padatuon ug samot!

So mao to mga friends, lisod man, pero kung dili kaya sa budget, firm jud ang NO! Kay kung dili,gwapa lagi ka pero ga sakripisyo pod imo budget. Oh siya, muuli nako ug manghilam-os sa ako Safeguard Papaya! LOL


You may also like:

Ambisyusa!

AmbisyUsya!

(Alas 2:20 sa hapon.Gihidlaw para wala akong kakatugon sa laay nga kinabuhi)

Kanang bisag gitungga ug gibubo na nimo ang kape knock out gihapon ka.

Gusto gyud ko mag-doctor. Kanang maglaslas sa mga gilangaw nga samad ug mag-inject hangtod mag-aruy-aruy ang pasyente. Kaso, makuyapan ko makakita ug dugo ug kurug akong kamot. Mauna pa unya ko mamatay sa akong pasyente...

Kung dili ko ma-doctor mag-medrep nalang ko. At least duol-duol ra. Unya unsa mani ako nabalitaan nga tagaan man daw ug sakyanan! Wow! Problema karon kay ratulon man ko. Gamay nga sirbato bulagan dayon ko sa akong kasing-kasing...

Pangandoy sab nako nga mahimong abogada. Ingon ako Mama, lami daw ko mangistorya. Tuo kaayo ko. Mama gud na nako. Unya maayo lagi ko mangistorya, wa poy unod pildi na dayon. Usa pa, dali ra ang pag-eskwela, problema karon kung mag take 2, take 3, take-out ta sa bar exam...

Feel nako mag-photographer ang apan lang kay way ulo akong kuha tanan. Ug kung nature pod kunuhay kuhaan nako, kung dili ngitngit, blur. Mas maayo siguro no kung ako nalang ang kuhaan ug picture?...

Kay actually feel man jud pod nako mag-model. Tabangi ko kung unsa. Dili pwede ang gown nga arang ka taas kay potot ko. Di pod pwede model sa buhok kay mubo ang ako ug kalkag pa.Model nalang unta ug tiil kaso isa nalang katudlo ang okay. The rest patay ang kuko. Ana sila nga mag-model nalang ko ug bra pero kabalo ko nga yaga-yaga to kay kabalo ko nga flat pako sa surfing board. Band aid siguro pwede pa!

Naa pod daw ko chance ma-singer kaso, maayo rako mubirit ug walay tawo. Buangon pod raba ning mga tuko sa amo kay kung magpakulot-kulot na gani ko sa akong voice, mag-iyahay ug pangahulog.

Haaai..laaya!

You may also like:

Nganong Lisod aayo Muingon ug No